Monsoon Health Tips
पावसाळा आणि आजारपण यांचं अगदी घट्ट नातंच आहे. एकीकडे वातावरणात बदल होतो आणि एक एक करत घरातील सगळेच खोकायला नाही, तर शिंकायला सुरुवात होते. कुटुंबातील एकाला जरी हा त्रास झाला तरी तो लगेच दुसऱ्यापर्यंत पोहोचतो. त्यात ज्यांची प्रतिकारशक्ती काहीश कमी असते अशांना सर्दी-खोकला व्हायला अजिबातच वेळ लागत नाही. त्यामुळे या त्रासापासून तुमचा बचाव करायचा असेल तर या टिप्स तुम्हाला नक्कीच उपयोगी पडतील.
अशी घ्यावी काळजी
शक्यतो पावसात भिजू नका. भिजलात तर लगेच ओले कपडे बदला. अंग, डोके, केस लगेच कोरडे करा. सर्दी, खोकला, ताप आटोक्यात ठेवला नाही तर न्यूमोनिया होऊ शकतो. प्यायचे पाणी उकळताना सुंठ पावडर घाला. दिवसभर थोडे थोडे गरम पाणी प्या, घसा शेकला जाईल, शरीरातील टॉक्झिन्स निघून जातील.व्हायरल ताप असेल तर पाण्यात तुळस, मध, हळद घालून काढा करा. गरम गरम प्या. हर्बल टीनेही तापाचा परिणाम कमी होतो. पाण्यात हळद घालून त्या पाण्याने किंवा सलाईन वॉटरने गुळण्या करा. पावसात भिजल्यावर कपडे ओले असताना एसी रूममध्ये जाऊ नका. दम्याचा त्रास असणाऱ्यांनी दमट, ओल्या भिंतींपासून लांब राहा भिंतींवर बुरशीची वाढ झालेली असल्यास दम्याचा त्रास वाढू शकतो.निलगिरी तेलाचे थेंब रुमालावर घेऊन अधूनमधून हुंगा चोंदलेले नाक मोकळे होण्यासाठी निलगिरी तेलाचे थोडे थेंब पाण्यात घालून उकळवून वाफारा घ्या, श्वास घेणं सोपं झालं की, पूर्ण शरीराला आराम मिळेल. चपला, बूट, मोजे, रेनकोट, चादरी, उशा कोरड्या आणि स्वच्छ ठेवा.
लिंब कंसोम घ्या
पावसाळ्यात सर्दी, खोकला या आजरापासून दूर राहण्यासाठी घरगुती उपाय करायला हवेत. लिंब कंसोम हे एक गुणकारी औषध आहे. ते कसे बनवावे हे आपण जाणून घेऊया.
साहित्य : लिंबाचा रस १/४ वाटी, कोथिंबीर २ वाट्या, गूळ ३ चमचे, आलं वाटून दीड चमचा, कडुलिंब २ काड्या, मिरे १ चमचा, तूप १ चमचा, हळद १/२ चमचा, मोहरी १ चमचा, मीठ चवीनुसार.
कृती : पॅनमध्ये तूप तापवून, मोहरी घालून तडतडू दे. कडुलिंबाची पाने घालून ढवळून घ्या. अडीच कप पाणी घालून उकळी आणा. हळद आणि मीठ घाला. मिरे भरडून जाडसर पूड करा. कोथिंबीर भरडून घ्या. पॅनमध्ये वाटलेलं आलं, मिरपूड आणि कोथिंबीर घाला. उकळी आणा. गूळ घाला. ५ मिनिटे उकळू द्या. गॅसवरून उतरवून गाळून घ्या. नंतर लिंबाचा रस घालून सर्व्ह करा. सर्दी, खोकला, तापापासून बचाव करण्यासाठी उपयुक्त. हे डिटॉक्स ड्रिंक आहे. प्रतिकारशक्ती वाढते, भूक वाढते, अन्नपचन सुधारते. तोंडाला चव येते.
पावसाळ्यात वापरा सनस्क्रीन
अल्ट्राव्हायोलेट रेजमुळे आपली त्वचा टॅन होऊ शकते, त्वचेवर सन बर्न होऊ शकतात आणि त्वचेवर अकाली वृद्धत्वाच्या खुणाही उमटू शकतात. त्यामुळे आपल्या त्वचेसाठी योग्य आणि आपण ज्या भागामध्ये राहतो, तिथले हवामान लक्षात घेऊन योग्य असे एसपीएफ असलेले सन स्क्रीन निवडणे गरजेचे असते. न्यूयॉर्क येथे असलेल्या स्किन कॅन्सर फाऊंडेशननुसार पृथ्वीभोवतालच्या वातावरणामधील जवळजवळ ऐंशी टक्के अल्ट्रा व्हायोलेट रेज ढगांच्या कवचाला भेदून पृथ्वीपर्यंत पोहोचतात. याचाच अर्थ असा की आपण पावसाळ्यामध्ये किंवा गुलाबी थंडीमध्ये भटकंतीसाठी निघालो असू, आपल्याला सनस्क्रीनची गरज वर्षाचे बाराही महिने असते. अल्ट्रा व्हायोलेट रेजमुळे आपली त्वचा टॅन होऊ शकते, त्वचेवर सन बर्न होऊ शकतात आणि त्वचेवर अकाली वृद्धत्वाच्या खुणाही उमटू शकतात. त्यामुळे आपल्या त्वचेसाठी योग्य आणि आपण ज्या भागामध्ये राहतो तिथले हवामान लक्षात घेऊन गोम्ब असे एसपीएफ असलेले सनस्क्रीन निवडणे गरजेचे असते.
एसपीएफची मात्रा किती असावी
आता एसपीएफची मात्रा किती असावी हे कसे ओळखावे? बहुतेक लोकांची अशी समजूत असते की सनस्क्रीनमध्ये जितके जास्त एसपीएफ, तितकी उन्हापासून त्वचेची जास्त सुरक्षा. पण असे नसून, सनस्क्रीनमधील एसपीएफची मात्रा, ते सनस्क्रीन उन्हापासून किती वेळाकरिता त्वचेचे संरक्षण करू शकेल हे दर्शवते. त्यामुळे सनस्क्रीन निवडताना २६ पेक्षा जास्त एसपीएफ असलेले सनस्क्रीन निवडावे. एसपीएफ ३० असलेले सनस्क्रीन आपल्या त्वचेलाउन्हापासून साधारण दहा तासांपर्यंत संरक्षण देऊ शकते, तर एसपीएफ 50 असलेले सनस्क्रीन आपल्या त्वचेला १५ तासांपर्यंत उन्हाच्या दुष्परिणामांपासून वाचवू शकते.
एसपीएफ असलेले सनस्क्रीन लावावे
सर्वसाधारणपणे एसपीएफ ३० असलेले सनस्क्रीन सर्वांत उपयोगी ठरते. पण हे सनस्क्रीन दिवसातून अनेक वेळा लावले तरच उन्हापासून आपल्या त्वचेला संरक्षण मिळते. अल्ट्रा व्हायोलेट किरणांमुळे त्वचेवरील सनस्क्रीनचे आवरण हळूहळू निकामी होत जात असल्याने, दर तीन तासांनी सनस्क्रीन लावल्याने फायदा होतो. हवा, म्हणजेच वारा आणि ऊन यांच्यामुळे त्वचा रुक्ष आणि कोरडी पडू शकते. अशा वेळी अॅलोव्हेरा, शिया बटर, आणि फळांची सत्त्वे असलेले सनस्क्रीन वापरावे.सनस्क्रीन लावताना चेहरा, मान आणि हातांना, आणि विशेषतः शीराचे जे अवयव कपड्याने झोकलेले नसतील तिथे सनस्क्रीन लावणे गरजेचे आहे. चेहरा, किंवा हातांच्या मागच्या बाजूची त्वचा जास्त नाजूक असल्याने त्यावर जास्त एसपीएफ असलेले सनस्क्रीन लावावे.